موضوع في نقاش المستخدم:علي بن محمد بن مفرح آل زهير عسيري

وش بك علي يا بعد حيي تغيرت

ما عاد تفهمني ولا تحّس فيني

علمني ويش اللي معك فيه قصرت

عشان تهملني ولا عاد تجيني

ما قد خبرت اني بيومٍ تأخرت

ولا نفذ صبرك علي تحتريني

ولا اْخبرك طلبت اجيك وتعذرت

ولا نسيت ابلّغك يوم ويني

عليك ياما في حياتي تصبرت

لاجل احتويك لكن من يحتويني

ياما على جروح الايام كابرت

وانا من الحسرات تبكي سنيني

وياما اجييك ولآ كأَني تكدرت

حتى النزيف اضغط عليه بيديني

معقول! كل الحب هذا وتجبرت

ابكي ولا كنّك تشوف دمع عيني

احسنت فيك الظن ولا تصورت

إنك تعذبني وتشقي حنيني

لا واحسافه كيف ما عاد قدّرت

قدر المحبه اللي بينك وبيني

انا اشهد اني من سواتك تحيرت

وكل أحاسيس الألم تعتريني

احاول اسلى عنك وإذا تذكرت

يضيق صدري لين يندى جبيني