مستخدم:Ghizlene.ye/ملعب

وهرن

la perle de l’ouest

وهرن بالعربية وهران وبدزيرية وهرن و يعيطولها الباهية و هذي الولاية الزاوجة تاع الدزاير و المهمة في المغرب العربي. وهذي المدينة جاية عند البحر و عندها ميناء ، وجاية في شمال غرب دزاير ، بين وهرن ر دزاير العاصمة 432 كلم. بناوها الأندلس في عام 902، عاود داها الباي محمد الكبير في عام 1782 ورجعت المقر تاع البيلك الغرب في وقت الاستعمار، بلخف طورت وولات الزاوجة في الدزاير.

من بعد الاستقلال بقات عاصمة غرب الدزاير و المركز المالي المهم في التجارة والصناعة. وهذي الولاية ، كانو كامل يحوسوا يحكموها الحضارات لخرى، اتهلاو فيها وحكموها كيما: البربر، لعرب، تراكا وعثمانيين ولي حتلوها كيما سبانيا و فرانسا كل واحد زين المدينة وخلا البصمة تاعو فيها من جيهة تراثية و ثقافية.

بعد ما ستقلت دزاير، مدينة وهرن طورت بزاف وولات الزاوجة في دزاير كاملة علميا و اقتصاديا ، و تنوع النشاط الاقتصادي من صناعات كبيرة و صغيرة و كي جات

ارزيو حدها زادت وهرن استفادت من النفط لي عندها ، وزاد على هاد شي عندها بور تجاري

وهرن

الادارة
البلاد	الجزائر
الولاية	وهرن
دايرة	وهرن
والي الولاية	بوخاتم نوردين 2012-2017
البريد	31000
دليل الهاتف	041
السكان
ملقبين	الوهارنا
عدد السكان	609 940 نسمة في 2008
ارتفاع	9530 نسمة في كم ²
سكان التجمعات السكنية	1 000 000 نسمة
جغرافيا
تفاصيل	شمال "10 '42°35 غرب"57 '35 °0
ارتفاع	Min. 0 m – Max. 429,3 m
مساخة	64 كم ²
مختلف
الميزانيات	4.8 مليار دينار قي 2008

ثقافتها

الثقافة الوهرانية صنعت للمدينة سمعة اقليمية و عربية وحتى عالمية والمنطقة اشتهرت بشعراء كيما "الملحون" وبيه لي تعرفت الأغنية الوهرانية من شيوخ الوهراني ، وغنية الراي ولات عالمية، شباب المدينة هوما لي لحقوها للعالمية وولات و المسرح ثاني يديرو فيه مسرحيات "عبد القادر علولة"و غيرو...

وهذا التنوع خلا المدينة مكان يجي ليه السياح ومكاش من هاذو لي توغيست لي يجو لدزاير ومايجيش يشوف وهرن .ولاو فيها بزاف هوتال دو لوكس و شاليات توغيستيك مستفادين من شاطئ تاعها ومع التفسير لي شايع، بلي كلمة وهرن معناها بالعربية "وهر" لي هي "سبع"

بور وهرن

تاريخها

في فترة الاستعمار الفرنسي،كانت وهرن حاكمة جزء كبير من المغرب العربي، وبعد ما ستقلت دزاير ، ولات دزاير مقسمة ل 15عمالة، وعام 1974 بدلو اسم عمالة ولات كلمة ولاية وبقات في 31ولاية عام 1983. وفي 1984 دارو 16ولاية جديدة ، و الولايات القديمة بقات في ترقيمها القديم ، ومع كل تقسيم جديد كانت ولاية وهرن تصغار و تستفاد ولات لخرى حت رجعت كيما راهي دوكا.

سكانها

وصل عدد سكان ولاية وهرن في 2008 حتى 1 584 607 نسمة.

سياحة

الولاية عندها شواطئ شابة بزاف و بلاج لي معروفة بزاف هي "مداغ" من جهة المنظر الطبيعي تاعو بداو يبنو في مشروع سياحي كبير كيما كومبلاكس راهي تبني فيه شركة إيطاليا ، و يولي قطب توريستيك في اليحر الابيض المتوسط.

الموقع:

وهرن جاية في الجيهة الغربية لضفة لجنوبية لبحر على خليج وهرن مالغرب جبل مرجاجو لي تقطع بناتهم بلدية مرسى لكبير مالجنوب في لحدادة جاية سانيا و في هضبة مولاي عبد القادر الكيلاني و في الجنوب سبخة كبيرة بير الحير جاية من جوايها 

المناخ:

وهرن كليما تاعها متوسط ، صيف ناشف فيه غير نسمة تاع البحر، و الشتا كل مرا كيفاه و السما صافية و مشمسة ، في الصيف ماطيحش كامل الشتا .و في شتا تصب النو . 

الما :

في وهرن الناس يجيهم الماء من بزاف سدود منها وادي " تافنة" جاي 80 كم غرب وهرن ، او واد الشلف 200 كم شرق لمدينة ، وكاينة محطة يصفو فيها ويداوو ماء تاع واد شلف ، تنتج 560 الف م كل يوم و دار احواض في وهرن و مستغانم و محطات يخزنو فيها ، وكاين في وهرن وين يصفو نا البحر.

الدائرة التاريخية:

دايرة سيدي الهواري أطل على لبحر هي مركز تاريخي تاع وهرن ، مازالت هستحفظة على بزاف حضارات ، اسبانية، عثمانية و فرنسوية ، من اثار اسبانية كاين جامع "الباشا" من القرن 18 ، قاضي بو لحبال والي المدينة صنعولو قبة في 1793 صنعهالو الباي العثماني ، و بنى لروحو قصر 

تجمع وهرن:

بير الجير:

هي مدينة مهمة في لجيهة شرقية تاع وهرن ، في وقت الاستعمار كانت في بابتيزي اركول جاية ب 8 كم من وهرن سونتر ، المدينة كانت مستحفظة على الفلاحة تاعها حتى عام 80 من القرن العشرين ودوكا العدد وصل 118 000 نسمة ، فيها شكال من اونتروبريز مبنية في باطمات جدد كيما سوناطراك و سبيطار وهرن لجامعي .او راهم يقولو بلي راهم رايحين يبنو ستاد يرفد 50000 متفرج .

السنيا:

هي الكبيرة من الجيهة لجنوبية ، فيها بزاف بلايص صناعية و الجامعات و مركز البحث ة المطار الدولي و هي محطة تالية تاع تراموي.

عين الترك:

بعيدة على وهرن 15كم شمال غرب، و فيها بزاف لي هوتال و كومبلاكس توغيستيك ، لمنظر تاعها تبدل على جال اوتوروت لي داروهم،